百味村

营业中

休息中

呢到可以望到海景，价钱唔太贵，仲要有好多菜式拣，野食又好味，服务唔错嘅地方。地方大同宽落，如果想坐望到海景嘅座位，就要早少少黎，今次平日七点去到已经无哂。呢到仲有得玩足球机同飞镖，间唔中仲会有Living Brand 同睇波活动。而呢到最特别系用佢个App落单比钱，之后，就会有人送食物黎，唔洗自己走黎走去，系电话就已经可以睇哂有咩食，仲有哂图，上菜速度快，十分钟左右就到齐哂。韩式轻食 - 甜酸鸡块 (小) $48 分量多，有成九旧鸡块，炸到好脆唔厚粉，鸡肉又唔干唔鞋，以Food Court黎讲超水准，炸鸡配韩式甜酸酱系绝配，咁嘅价钱真系好抵食。Sen of Japan - 超级猪骨汤拉面 $68个汤有种独特味道，同一般猪骨汤好唔同，而且，块叉烧肉质属于实净，唔系软身个种，同我所想嘅好唔同。NAAN - Lamb Kebab Naan $88好多芝士，仲要做到拉丝效果，羊肉骚味唔算好强，反而串烧味比较出，而pizza边位脆，底部烟韧。提外话，去当晚天气好冻，竟然，去洗手间洗手时，系出暖水，太窝心啦。