牛知己 (已結業)

元朗新开嘅火锅铺，近朗屏西铁站，世宙地下，地店方便☺同普通火锅店唔同，呢间系主打韩式火锅，价钱仲要同平时嘅任食火锅差不多！！餐厅装修十分漂亮干净，地方宽敞，同朋友都坐得好舒服。汤底都睇得出著重韩式，我地拣左海胆海带汤。所有餐具都好韩式，别有一番风味。汤底够香浓，海胆粒随处可见，火锅配料可以出去自己夹，丸类、海鲜同追加牛的话可以透过pad落餐！我地仲额外叫左安格斯牛小排、炸鸡同黑糖水正果，特别推介安格斯牛小排，油脂均匀又大块，食落亦充满牛香味，好快就比我地清晒。👍🏻👍🏻👍🏻虽然系主打边炉，但炸鸡绝不可睇小！佢有一条电动送餐嘅轨道，送炸鸡过黎特别吸睛。炸鸡表面炸得金黄色，而且有几种味道，个人喜欢原味炸鸡，香脆可口。最后埋单大概每人$200多d，食到饱晒非常满足。