天聚源 (已結業)

星期日六点三就同老公阿b食到呢个蓝地天聚源食蒸气锅喇。因为带住个bb 所以唔去咁远, 蓝地呢个只系兆康西铁站 转一个站轻铁就到, 好方便。两个人食二人餐加个生啤。蚬, 全部都系蚬。有好多款嘅蚬,根本唔识咩蚬打咩蚬, 最细只圆碌碌嘅就d 海水味最咸,其他嘅都系好鲜甜, 最紧要系咁多只蚬竟然一粒沙都无。龙虾一人半边, 有膏, 新鲜, 弹牙! 虾串一人有两支。 圣子, 好大只。一样"新鲜"。应该系前菜, 麻酱冻乌冬。好聪明嘅安排, 得闲食一啖得闲又食一啖 , 完全唔惊佢摊冻晒。大大只扇具!呢个都要一赞, 时间掌握得刚刚好。呢个走地鸡我老公赞到上天, 真系超有鸡味, 蒸嘅时间又刚刚好,又香又滑... 老公话系咁多样野 最好食的!青瓜丝椰菜丝粟米汤律, 正常野。呢个系白粥,加左生菜丝。 伙计话可以加皮蛋瘦肉做粥底, 但我选择左白粥觉得感觉衬海鲜D。最后我系食左三碗,老公系两碗 之后都仲有净呢幅图咁多嘅粥... 饱到呢... 但其实我想队埋佢咖。最后要一赞就系呢间环境... 可能始终唔系市区,地方好宽落, 又清优,有露天 有室内, 感觉好舒服。