呼吸冰室 (已結業)

呢度装修正相信大家都知，所以唔再摆相。但嚟呢度，真系要有心理准备，系剩系食装修。食物方面，唔止上菜慢，系连收钱都慢。我去到时系星期六晚八点几，全场都系坐满一半左右，但去点菜时由于佢哋系用一部细细部接收器畀客人坐返埋位等通知，而啲接收器系返唔切，所以我去到时有两个人左右要企喺度等到有机返至点得嘢。头先话上菜其实都唔多啱，因为系自取，食完都系自己攞返个兜出去畀佢收。呢啲我系完全冇问题嘅，美国大部份快餐店都系咁。我点咗一个parma ham salad, 一件朱古力牛奶多士，一杯latte，一杯蜜桃绿茶。个沙律份量唔多，但味道还可以，因为菜新鲜，但件多士就真系完全唔合格，一切落去经已系韧到切唔开，食落去唔好话脆，直头食紧胶咁，应该系因为面包唔新鲜。我心目中，整件多士系好基本嘢，呢度做唔到。latte当然唔会及真正cafe出品，味道似mccafe𠮶啲。员工大部份对客时都好有礼貌，会提仲有几耐收舖，有需要帮忙时亦好快手。加上装修实在系有特色，如果食物质素能改善，呢度绝对会系我常到食店。