Glow - Oyster Bar & Grill (已結業)

男友带我黎庆祝生日，呢到好有气氛，每张枱都放左个月亮球灯  好适合黎慢慢食野倾下计。餐厅主要以烧烤同海产为主，见到格离枱生蚝好似唔错咁，可惜我肚仔唔争气，下次先黎试。食物好有水准，卖相又好，价钱适中，服务都唔差，会慢慢介绍菜色，今次两个人叫左四样野，每人平均三百五左右。Hand-cut Potato Chips $68牛油果同虾肉加柠檬汁捞埋一齐，酸酸甜甜咁，加上脆口既墨西哥片一齐食，几清新开胃。Assorted Seafood $328 有大虾两只、一大条八爪鱼须、鲈鱼、青口三个及蚬肉三个，食得出好新鲜，仲有好香既烧味，样样都整得刚刚好，唔会太鞋又唔会太韧，估唔到咁好食。Spaghetti $188鸭肉酱既味道好浓郁，肉质嫩滑，杰度岩岩好，令到条条面都点到酱汁。GLOW Tiramisu $98 卖相同平时既好唔同，咖啡味道好浓，唔太甜，除左滑口既Cream同半淋质感既手指饼，面头仲有几块脆饼，令到口感好丰富，好好味。