The Pantry (已結業)

适逢元宵佳节，要拣满足到女友大人的餐厅实在唔容易。朋友介绍我去呢一间The Pantry,话有夜景睇，食物又唔错，最紧要系个甜品好好食，女友大人一定满意。一坐低，女友大人已经开始同个维港夜景疯狂自拍，圣诞灯饰仲未拆，影出嚟系几靓。点餐系用taplat点餐，好方便。前菜叫咗个牛油果牛肉卷，虽然本人好唔钟意食灯笼椒，但呢个冇乜灯笼椒𠮶阵味，应该系比较高质素嘅灯笼椒，反而牛肉嘅味道就好出，加埋个牛油果酱，系几好食。之后个pizza正正常常。野饮都不错。去到终点嘅班戟，真系好好食！我叫咗原味，一碟有三件，两个人都食唔晒，虽然价格偏高，但系系香港最好食的班戟之一！