Sky726

上楼餐厅虽然唔似得大商场咁五光十色，但上楼相对租平，用较平价钱食到好嘢的机会相对较大。今晚呢间西餐又系一个好例子。浓郁奶油蚝汤伴鱼子酱一句讲晒，蚝味爆灯! 配简单牛油面包食更加系食到停唔到口。脆炸鱿鱼圈配他他汁及鸡尾汁鱿鱼圈咬落唔韧，热辣辣、脆卜卜、唔油腻... 香煎蟹饼伴藜麦蒜泥蛋黄酱有相你睇，蟹饼外层脆卜卜，切开里面大量蟹肉，绝无偷工减料， 啖啖肉，无得输 !烧慢煮16小时辣猪助骨外酥内嫩、入口即化。意大利手卷意粉伴野菌、辣肉肠及巴马臣芝士意粉做到 Al Dente, 辣肉肠嘅咸香、微辣跟 Parmesan Cheese 非常配搭。