哥哥添飯•妹妹泡茶

营业中

休息中

朋友在观塘做嘢，放工后约咗佢喺观塘揾食，见舖头装修很文青，嘢食都很多选择。入到去坐低咗，环境舒适，打卡一流。餐牌上嘅台湾菜都很多种类，我哋叫咗特级牛三宝面配杞子烫青菜、三杯酱烧猪仔骨配藜麦虾沙律、两杯嘢饮。特级牛肉三宝面有牛腱、牛筋及牛舌，大大碗，材料充足，牛腱很入味，牛筋够软淋，充满骨胶原、牛舌很爽口，加埋三个配菜、以及烫青菜，非常之丰富。三杯酱烧猪仔骨，三杯酱加上九重塔及红葱头去烤猪仔骨，咬落去啖啖焦香味，而且很入味又不会太干，非常之香口惹味，配上藜麦虾沙律，非常之清新，一浓一淡，非常之夹。饮品方面有很多不同的特色饮品，我哋叫咗靓靓桃胶乌龙奶茶及双柠蜂蜜生姜茶，第一次试桃胶配上奶茶，估唔到又几夹，加上桃胶滋补养颜，系女士嘅不二之选。