象泰 (已結業)

屯门新开左一间叫象泰嘅泰式餐厅，几日前就去咗同朋友试下😛 餐厅环境都好舒服，适合一班朋友慢慢倾偈食👍🏻 睇完menu发觉好多都好吸引，所以都叫咗唔少食物😛个菠萝海鲜炒饭炒得一啲都唔油，仲有好多海鲜，菠萝亦都好Juicy。🤤月亮虾饼炸得唔油，啲虾一啲都唔霉，亦好弹牙，份量亦都好多。泰式金边粉炒得好香，好多配料， 上面仲有虾添，不过啲虾就冇虾饼啲虾肉咁弹牙。但系个金边粉炒得好好食。串烧叫咗半打，三鸡三猪。串烧汁好香。鸡肉都算嫩而猪都唔韧。👍🏻生菜包同飞天炒通菜都有少少辣，唔食得太辣嘅要留意返啦😉至于咖喱面包软壳蟹嘅面包份量好多，软壳蟹就可以再多少少，因为真系好惹味😋。黄咖喱好香，下次我一定试埋青咖喱。🥰