安南 (又一城) (已結業)

喺屋企困得耐真系要出门口抖下气。行过又一城见到安南环境几靓几舒服，套餐又几抵，300几蚊二人份，有齐主食、小食、甜品同饮品，二话不说入去试吓🥰不得不赞佢既牛肉汤河粉非常鲜味，朋友点既蟹肉鲜茄汤檬粉唔错，酸中带甜，蟹肉份量一啲都唔吝啬。咸点既大虾头烧得够惹味，好多膏，其余既虾多士、猪颈肉滨海、软壳蟹米纸卷同牛油鸡翼都唔错！我最爱既甜品方面，佢既焦糖焗蛋有焦糖香，唔会死甜，又多滑。唔好甜既一定要试下个咖啡奶冻，有好香浓嘅咖啡味😚 椰汁糕都唔错，好烟韧。另外加钱转左杯青柠沙冰，酸酸地好清爽，够晒开胃😙呢个套餐真系好抵，我地2个女仔去食差d食唔晒🤣 而家难得先会出街食餐饭，呢间餐厅真系好推介！