小胖台灣便當 (德立大廈)

营业中

休息中

成日经过尖沙咀都见到呢间台湾嘢，今次就同朋友去试一试佢🤣入到去环境好阔落灯光几光猛，店员安排咗卡位坐得都好舒服。我同朋友就各自嗌咗椒麻微辣猪柳便当同埋台湾铁路大排骨便当。另外亦都加配小食梅香脆地瓜同埋怀念盐酥鸡。见到有难得有少见嘅刈包食，亦到叫左个虎咬猪刈包。先讲便当，份量好大，排骨卤水得入味，肉质亦都唔会过鞋好食。饭嘅质地唔错，应该用咗珍珠米，有咬口再加埋啲配料倒如酸菜，配搭一流。至于个微辣猪柳我就更加钟意呢一款，猪柳好香口有少少麻辣味，令人大开食欲。小食方面盐酥鸡炸得外皮脆口唔会过分油腻，入边嘅肉汁亦都保留到，不错。而地瓜条好香口，加埋因为有梅粉令到甜酸配搭令人一条接一条咁食。至于个刈包我略嫌个猪太肥，冇乜肉多脂肪，而配料亦可以多啲。整体黎讲，呢个价位系尖沙咀食到呢个质素嘅台湾菜系相当唔错。