Bold Italic (已結業)

今个星期想静静地食个晚饭，就揾到观塘依间餐厅。去到门口见到块黑板既设计都有心思再贴住张menu感觉特别，侍应好主动行过嚟问我几多位再安排比我坐，有礼貌之余，仲好细心比支水我地。今日同男朋友就试左个羊架同冻肉肠香辣茄汁意粉，我地怕太饱所以只系加左一个combo set渣，不过上菜既时候卖相都好靓！先讲沙律，问过老板原来沙律汁系佢地厨师调配既，酸酸地真系好好味，而且菜好新鲜，到个粟米汤好creamy好足料，唔似出面既汤得个咸字，到个香草包都几特别，虽然阵味未必个个接受到，但系上面溶左既芝士好正，到个主菜，羊架系香煎既所以好香口好大件，食到我地想再嗌羊架，可惜无咁大个肚。个冻肉肠意粉都唔差，好浓既茄汁味，色香味都齐哂，不过可能唔配冻肉肠配其他可能仲吸引！最后我地叫左一个窝夫一件柠檬芝士蛋糕，虽然窝夫有cream有士多啤利，但我同男朋友都系钟意件蛋糕多啲，因为唔太甜又好味。杯梳打都好正好靓☺️👍总括嚟讲，依间餐厅都算系工厂区既一点静，唔错！