Casa Di Luna (已結業)

今日去到呢一间餐厅门口有个大月亮好吸晴，一入到去抬头见到好多月球，墙上面有个太空人，我哋6:00去到太阳未落山，但入夜后好靓。煎鸭肝配青苹果黑醋汁鸭肝煎到外脆内软，法包烘得香脆，沙律新鲜爽口，加上青苹果黑醋汁中和油腻感。龙虾汤Creamy，龙虾味浓郁，入面仲有虾肉。香煎羊架配牛油薯蓉平时食羊架我钟意叫五成熟，但店员建议我哋食七成熟，开头都担心会唔会太韧，完全无呢个问题，羊架肉嫩多汁，肉味浓，牛油薯蓉好香滑，好味，烧汁同羊架好夹。虎虾配龙虾汁意大利面虎虾鲜甜爽口弹牙，意大利面煮得软硬适中，龙虾汁同意大利面完全融为一体。朱古力心太软一定要食呢个，流心做得非常好，香浓又唔会太甜。