泰閣 (已結業)

泰阁位于弥敦道一间小型酒店既一楼，由于唔显眼，所以唔多人，lunchtime都一定有位。卡位坐得宽落舒服，冷气充足，大热天时食泰菜唔怕成身汗。中午有个人套餐同多人套餐，个人套餐价钱大概$6x，再另有加一服务费。包一杯饮品同一个主菜。食一个lunch大概$7x，以油麻地价钱黎讲，价钱稍贵。黄咖喱牛腩配白饭，$68。咖喱上台时热辣辣，赞。咖喱好香，唔会水稀稀，又唔会好辣，怕辣既朋友都可以食到。牛腩切得好大旧，好彩唔会好鞋好痴牙，配埋咖喱汁，超好送饭。跟一两旧牛根，不过好腻口，牛腩好食好多。薯仔，入味。洋葱是惊喜，切得细细块，好容易入口。煮完都有脆度，好味！跟餐红花茶，唔洗加钱。酸酸甜甜，非常解渴舒服，好好饮！唔钟意冻既，都有热红花茶。