影片
更多
2019-08-25
2778 浏览
呢日喺中环hea开，顺便食埋个晚饭，见早早哋就喺订枱app揾下附近有乜食🤔。之前朋友有介绍过呢间位于兰桂坊隔离嘅天庆话唔错，系居酒屋🏮style，食日式料理串烧果啲、唔系主打鱼生，所以见又有50%off优惠就试下啦😬。星期六晚7点钟去到，一上去经过条走廊就到餐厅，餐厅好大好阔落啊，但无乜人，计埋我哋前前后后得四枱😅。其实装修几靓，以黑色为主色，墙身就油咗好多和服graffiti画👍🏻。环境静静哋都几啱吹水嘅。一坐低无耐，望下menu，就发现同我朋友介绍同openrice见到嘅唔同，食物选择好少(得4版)，而且比较多🍣刺身、寿司类，但烧物、串烧等就变得好少。再偷听到隔离枱嘅对话，原来餐厅装修咗，menu亦都换埋😐。有啲失望添，因为食物唔系太啱食，但都有啲肚饿，拣咗几多样食啦。讲返食物啦，首先叫咗脆炸三文鱼条伴咖哩蛋黄酱($98)，四条三文鱼条🐠都几厚肉，而且炸到热辣辣，好香口，最重要系一啲都唔腥，个酱又好好味😋，呢个令人喜出望外，非常推介👍🏻👍🏻👍🏻。第二样系蟹膏加州卷($68)，呢份有六大嚿，味道都唔错嘅，正常水平，上面啲🦀蟹膏唔系太少，但多啲会好啲啰🤣，而且蟹籽嘅size比较细粒。但
呢日喺中环hea开，顺便食埋个晚饭，见早早哋就喺订枱app揾下附近有乜食🤔。之前朋友有介绍过呢间位于兰桂坊隔离嘅天庆话唔错，系居酒屋🏮style，食日式料理串烧果啲、唔系主打鱼生，所以见又有50%off优惠就试下啦😬。
星期六晚7点钟去到，一上去经过条走廊就到餐厅，餐厅好大好阔落啊，但无乜人，计埋我哋前前后后得四枱😅。其实装修几靓，以黑色为主色，墙身就油咗好多和服graffiti画👍🏻。环境静静哋都几啱吹水嘅。
一坐低无耐，望下menu，就发现同我朋友介绍同openrice见到嘅唔同，食物选择好少(得4版)，而且比较多🍣刺身、寿司类，但烧物、串烧等就变得好少。再偷听到隔离枱嘅对话，原来餐厅装修咗，menu亦都换埋😐。有啲失望添，因为食物唔系太啱食，但都有啲肚饿，拣咗几多样食啦。
脆炸三文鱼条伴咖哩蛋黄酱
$98
44 浏览
0 赞好
0 留言
讲返食物啦，首先叫咗脆炸三文鱼条伴咖哩蛋黄酱($98)，四条三文鱼条🐠都几厚肉，而且炸到热辣辣，好香口，最重要系一啲都唔腥，个酱又好好味😋，呢个令人喜出望外，非常推介👍🏻👍🏻👍🏻。
蟹膏加州卷
$68
39 浏览
0 赞好
0 留言
第二样系蟹膏加州卷($68)，呢份有六大嚿，味道都唔错嘅，正常水平，上面啲🦀蟹膏唔系太少，但多啲会好啲啰🤣，而且蟹籽嘅size比较细粒。但overall都算好食。
寿司薄饼
$88
23 浏览
0 赞好
0 留言
第三样系寿司薄饼($88)🍕🍙，呢个见几得意所以嗌嚟食下，个样都算几精美嘅，上面有啲呑拿鱼蓉、蟹籽、葱花同牛油果🥑，下面就系圆形嘅pizza(即系炸寿司饭)。但夹埋麻麻地，因为pizza比较干身同无味，可能要有多啲酱同调味会好啲。
粟米天妇罗
$58
18 浏览
0 赞好
0 留言
最后一样系🌽粟米天妇罗($58)(3件)，呢个都普普通通啦，粟米粒系甜嘅，但可以要将佢哋连埋一嚿，所以都比较多炸粉。
总括嚟讲，食物质素正常嘅，一定唔系难食，但又未到样样食物都好好食。但食物选择真系比较少😶，如果想去前真系睇清楚menu啱唔啱食先，免得失望。而且餐厅好似未有酒牌？见好似有人想嗌无得嗌，想小酌一杯就未必有机会。不过餐厅有热茶提供🍵，而且仲会好主动帮你加茶，抵赞👍🏻。环境亦都舒服，仲有啲静过头添🙈，但ok的。价钱未折就少少偏贵啦，但折咗就几抵嘅，当Happy hour食下小食😗。btw呢篇食评以折后价格评分。
张贴
