alfafa (樂富廣場)

营业中

休息中

餐厅配色柔和，座位非常多，提供多款西式餐点，dinner亦有set供应。平日晚市7点左右，已经有唔少客人食紧。焗肉酱千层面配薯蓉($92)，肉酱量多，面层唔会焗得过淋/硬，切既时候，仲见到层层状态。旁边2侧既薯蓉幼滑，但唔会觉得腻。个人觉得味道清淡ok，唔会好重味，如果觉得唔够味，可以加入肉酱稍作调味，效果亦唔错。即焗关系，食个阵要小心。烤鸡腿番茄香草天使面($92)，鸡腿超大只，个皮已烧焦脆，鸡肉嫩唔‘鞋’，好易就撕得开。而天使面份量超多，男仔食一定够饱甚至太多。面身偏硬，有番茄、洋葱粒等一齐炒香。不过略微油左dd。每个dinner set都附有是日餐汤或沙律，及饮品一杯。餐汤系有机蘑菇汤，蘑菇打成碎粒，超浓郁及香。原来仲人有埋餐包附送，面包微微烘过，浸汤食就冇咁硬身。唔知系味唔同set既面包会唔一样，见有d食客系类似蒜蓉多士样。餐饮选择众多，除左常见柠茶柠水咖啡，仲有公平交易既苹果茶、杂莓茶等，味道闻落香，饮落味道就淡。整体，环境大及舒服，适合聚会，无论系情侣、朋友，又或系家庭聚会都好岩。食物份量多，价钱正常。