C1 Café Bistro (已結業)

今日同朋友过来佐敦食饭，因为朋友一早Book左位，加上都唔多客人，所以马上有得入坐。店舖环境唔错，坐位好阔落下，系个倾计的好地方。首先叫左个小食，脆炸辣味薯条伴蜜糖芥末汁 - 薯条炸得够香够热，而配埋蜜糖芥末汁都好食。芝麻汁烧牛肉沙律 - 牛肉够嫩滑，芝麻汁配沙律冇得输，不过分量偏少。红菜头藜麦带子沙律 - 带子比想象中大粒，藜麦系健康之选，配埋红菜头味道都唔错。杂菜芝士松子仁天使面 - 材料充足，天使面入味，味道正常。香辣蚬肉意大利粉 - 一开始见蚬壳入面系冇咩蚬肉，就算有都系偏细粒，一试之下，D蚬肉都系冇鲜味，而意粉同样都系啖而无味，完全冇香辣味，好彩有加少少蒜头，但都系唔算好食，可以不用试。另外待应唔多，得三四个人左右，虽然客人同样唔多，但想揾人落单都要等段时间，加上中途见到待应虽然好得闲，但都唔会话主动加水，服务真系差少少。整体而言，环境系坐得舒服，但以咁既价钱来计(要计加一)，食物质素同服务都有待改善。