Mini Friday (銀城廣場) (已結業)

今次同朋友想静静地倾吓计就专登再嚟多一次，因为呢度枱同枱之间都隔得比较远，最啱倾密计。凯撒沙律前菜嗌咗一份凯撒沙律， 个酱汁好特别，唔系一般嘅沙律酱，帮个沙律加咗分。西班牙海鲜饭份量好大份，入边有半只龙虾，海虾，墨鱼仔，海鲜饭去用铁获上碟，够晒热辣辣，我哋两个人啊食到一半多啲都觉得好饱，我谂过个饭可以三至四个人share嚟食。海鲜浓汤海鲜浓汤个汤底有啲似龙虾汤，入边仲有一块鲈鱼同埋虾，几足料。咸蛋黄薯条食食到饱饱地，想买多一样嘢食，一路倾偈一路食嘢，就嗌咗啲份薯条，每条薯条上边都沾满咸蛋黄，好啱送酒。