品越越式料理 (士丹利街) (已結業)

石板街行上去，系打横条街，望过去见到个餐厅牌。2人叫左生牛肉金边粉($66)，猪颈肉米纸卷($65)，虾多士($52/54)，椰青($38)，青柠梳打水。虾多士最好味，即烘非常脆，d虾胶我见到有2层，而且好厚既虾肉，咬落好chopchop声，4件好抵食。碗面有好多块牛肉，d汤够热令到d肉浸一浸就熟，个汤既味就同平时其他餐厅既汤底大同小异，都好多金边粉。米纸卷就一般，d甜酸辣汁唔知点解淋几多都好，佢都吸唔到，不过淡淡地系fresh既。如果夹走个猪头肉食，个米纸卷就会冇味。饮品就正常，椰青叫完可以饮and食椰肉。总体，环境舒服，有卡座都会尽量安排，见到有叫炒金边粉，劲大碟，d炸物应该唔错。