影片
更多
2023-08-16
461 浏览
知道附近呢间隐蔽小店转左手，想试新口味所以今日过嚟试下。小店开8:00，即系一定唔系target上班族的早餐。见到有all day breakfast，西式扒早餐，亦有沙嗲牛同雪菜肉丝呢类港式早餐。我系传统派，就试下雪菜米先！一般雪菜米应有味道，食得出系自家炒，而唔系落罐头，但味道可以再突出d，例如有d店家会落重蒜，有d会落虾米，老干妈等，令到雪菜浸汤会令汤底变得香浓～同埋肉丝可以切长啲幼啲，先可以同米粉一齐叉入口。比较欣赏只太阳蛋，煎得岩岩好，洒上黑椒，黑椒好香，唔会攻鼻，有画龙点睛效果。但就挑剔唔知为左装饰定系点，加左木鱼碎，木鱼味浓，其实就霸道地充斥哂成碗米粉味道，完全喧宾夺主，可以唔使落。另外仲配咗蜜糖包，都算松软，上枱嘅时候热辣辣，但蜜糖嘅味道我略嫌有啲过甜，就算细细旧都觉得好漏，可以试吓其他配料。餐饮我跟咗热斋啡，比起茶餐厅极酸嘅咖啡好，但都唔算特别，可以用半价优惠叫即磨咖啡，但我就冇叫到。而且见到店面剩系得一个店员，厨房得一个人，都会担心午市时段会唔会做唔嚟？因为我个早餐一碗米粉，都要等10分钟，或者佢嘅定位就系比慢活嘅人士？值得一赞嘅系店舖环境好舒服，播住柔和嘅音乐，所
小店开8:00，即系一定唔系target上班族的早餐。见到有all day breakfast，西式扒早餐，亦有沙嗲牛同雪菜肉丝呢类港式早餐。
我系传统派，就试下雪菜米先！
一般雪菜米应有味道，食得出系自家炒，而唔系落罐头，但味道可以再突出d，例如有d店家会落重蒜，有d会落虾米，老干妈等，令到雪菜浸汤会令汤底变得香浓～同埋肉丝可以切长啲幼啲，先可以同米粉一齐叉入口。
比较欣赏只太阳蛋，煎得岩岩好，洒上黑椒，黑椒好香，唔会攻鼻，有画龙点睛效果。
但就挑剔唔知为左装饰定系点，加左木鱼碎，木鱼味浓，其实就霸道地充斥哂成碗米粉味道，完全喧宾夺主，可以唔使落。
另外仲配咗蜜糖包，都算松软，上枱嘅时候热辣辣，但蜜糖嘅味道我略嫌有啲过甜，就算细细旧都觉得好漏，可以试吓其他配料。
餐饮我跟咗热斋啡，比起茶餐厅极酸嘅咖啡好，但都唔算特别，可以用半价优惠叫即磨咖啡，但我就冇叫到。
而且见到店面剩系得一个店员，厨房得一个人，都会担心午市时段会唔会做唔嚟？
因为我个早餐一碗米粉，都要等10分钟，或者佢嘅定位就系比慢活嘅人士？
值得一赞嘅系店舖环境好舒服，播住柔和嘅音乐，所以都系一个令人放松嘅早餐！
张贴
