無二三 (已結業)

前几日黎深水埗觅食既时候，入左呢间门面几吸引既无二三食个晚饭～见到有样野叫萤光鱿鱼（＄５８）以前未食过就叫左黎试下，仲以为旧鱿鱼系咪真系会萤光咁既颜色，哈哈个味道都几好㖞，鲜甜亦有ｄ海水咸味咁，口感似食紧刺身咁新鲜，爽脆弹牙，但上网睇返原来萤光鱿鱼系腌渍过既！又要左个铁板蒜片干葱大虾（＄８８）～块铁板上枱果阵热到渣渣声，香喷喷咁，望见都好正，食落都好满意，大虾虾肉爽口～成条火炙醋鲭鱼（＄５８）都比较少见，通常出面都系拎黎做寿司～ 炙烧味好香，火喉控制得几好，个鱼皮炙烧得金黄微脆，鱼肉既质地仲好软绵嫩滑，唔会烧到干争争～鲭鱼醋腌过个味道亦唔会过酸～连伴碟既沙律菜都几新鲜～见ｄ食评话乌冬好味，就叫左青咖哩鸡肉炒乌冬 （＄８２）～个乌冬口感好好，鸡肉系用左鸡脾肉，肉质唔会＂鞋＂，仲有唔少翠肉瓜薄片同甘笋丝，好丰富～青咖哩汁既浓稠度亦都岩岩好挂乌冬，令每啖乌冬都均匀沾上青咖哩汁～最重要系个青咖哩汁辣度好温和，惹味得黎又唔太辣，仲有好香既椰浆味！最后，个ＦＲＩＥＮＤ已经话好饱食唔落，但我坚持要叫埋呢度既甜品试埋，柚子柠檬 无二三。烙芙（＄５８） 个卡士达酱质地好软滑，酸酸甜甜味道清爽， 甜度恰到