影片
更多
2013-10-10
35 浏览
平日在尖沙咀食lunch, 总是人头涌涌, 想舒服地和朋友食餐饭也好难. 早前俾我发现一间不错的店舖, 就是位于棉登径的Dabyida Restaurant and Bar.棉登径一带相对无咁多人, 当我入到店里, 已经觉得好舒服, 可以同朋友慢慢食, 慢慢倾.先睇下这里的Lunch Set, 一共有六款, 再配上餐汤, 蒜蓉包和餐茶.若不想食Set, 可以单叫.今次我拣咗意式香草酥糠焗海鲈鱼柳, 配杂菜汤.朋友拣咗焗肉酱意大利粉, 配杂菜汤.另外, 我地再加咗前菜, 海虾凯撒沙律和意大利冻肉拼盘.先上前菜.海虾凯撒沙律内有大虾, 蔬菜和一块芝士在面, 上枱前同我洒上少许胡椒粉.蔬菜好新鲜带点鲜甜, 仲好爽口, 而大虾够弹牙, 只是味道略为淡一点. 最爱菜面上的芝士, 同菜好配合, 食完感觉好fresh. 意大利冻肉拼盘内有四款不同的肉, 卖相不俗~ 味道由淡到浓味都有. 可以配合沙律一齐食, 份量够两个人食, 味道算不错, 自己最爱火腿. 接着, 就是杂菜汤和蒜蓉包.杂菜汤唔会太水, 当中有不少的蔬菜, 味道也刚好, 几醒胃.试过有些餐厅的蒜蓉包放得太耐, 过晒气, 完全唔脆.
平日在尖沙咀食lunch, 总是人头涌涌, 想舒服地和朋友食餐饭也好难. 早前俾我发现一间不错的店舖, 就是位于棉登径的Dabyida Restaurant and Bar.
棉登径一带相对无咁多人, 当我入到店里, 已经觉得好舒服, 可以同朋友慢慢食, 慢慢倾.
先睇下这里的Lunch Set, 一共有六款, 再配上餐汤, 蒜蓉包和餐茶.
若不想食Set, 可以单叫.
今次我拣咗意式香草酥糠焗海鲈鱼柳, 配杂菜汤.
朋友拣咗焗肉酱意大利粉, 配杂菜汤.
另外, 我地再加咗前菜, 海虾凯撒沙律和意大利冻肉拼盘.
先上前菜.
海虾凯撒沙律内有大虾, 蔬菜和一块芝士在面, 上枱前同我洒上少许胡椒粉.
蔬菜好新鲜带点鲜甜, 仲好爽口, 而大虾够弹牙, 只是味道略为淡一点. 最爱菜面上的芝士, 同菜好配合, 食完感觉好fresh.
意大利冻肉拼盘内有四款不同的肉, 卖相不俗~ 味道由淡到浓味都有. 可以配合沙律一齐食, 份量够两个人食, 味道算不错, 自己最爱火腿.
接着, 就是杂菜汤和蒜蓉包.
杂菜汤唔会太水, 当中有不少的蔬菜, 味道也刚好, 几醒胃.
试过有些餐厅的蒜蓉包放得太耐, 过晒气, 完全唔脆. 但这里的蒜蓉包烘得好松脆, 而且包上有切碎的蒜蓉粒, 我自己最爱, 若再多一些蒜蓉味就更正.
主菜出玚啦~朋友话焗肉酱意大利粉口感不错, 意大利粉软硬适中, 而且唔会过多的酱. 意粉面上的芝士好吸引呢~ 但朋友略嫌蕃茄味不够.
我在餐牌上见到意式香草酥糠焗海鲈鱼柳就被吸引住, 平日我的食法多是煎或炸, 酥糠焗较少食, 所以想一试.
食鱼我最怕腥, 这个鲈鱼不腥, 鱼的肉质几滑, 味道不错, 这个食法就表面有点脆, 但又唔会盖过鱼的味道.
我几钟意个沙律, 当中有蕃茄, 加上个汁甜甜地, 几醒胃. 薯仔也不错.食完嘢, 最好就是饮番杯热咖啡, 这样就完美.
张贴
