White Button Cafe & Dessert (已結業)

朋友去过亚士厘道的White Button Cafe & Dessert，今晚带我去见识下！地点都算方便，尖东L5出左，直行2分钟左右就到。我地比较早，未够7:00，人唔多。但点完野食就开始多人啦。餐厅唔算好大，但灯光柔和，颜色以粉色为主，令人感觉好舒服。食物点左新出推介的波士顿龙虾汁扁意粉︰卖相真系好特别好有谂头，竟然将D意粉悬浮在半空，至于系用咩方法，就留待大家食的时候去发掘，留返少少神秘感。波士顿龙虾开左两边，啖啖肉，点埋浓郁的龙虾汁黎食，份外鲜甜。意粉份量唔少，有洋葱吊味，软硬适中。小食点左芝士波波鸡，一碟有10粒，炸起热辣辣即食，鸡肉好嫩，芝士流心，虽然系小食，但都好饱肚。千层饼分别点左玫瑰蜜糖千层饼 & 日本紫薯，两款卖相都好靓,，蜜糖玫瑰好清新，日本紫薯系新口味，唔会太甜，自然。不过如果可以食哂主食先上甜品 KEEP返个冰冰地的感觉会更好。