財記海鮮火鍋活魚刺身

营业中

休息中

今日食下港式火锅，试订左财记，门口光鲜，大大鱼缸。入到去即时安排左大圆枱，两个人坐四、五人枱，又有电视睇，立即加分。侍应亦都即时送上热水比我地食碗筷，而且调味同小食一并而黎。餐具都好干净，基本上就唔使再过水。青瓜粗幼一致，味道刚好，好快食完。菜单多数有图，唔使估估下。除左火锅，亦都有多种刺生同小食。首先安格斯牛肉，细碟已经好够食，而且有一定厚度，真系似食紧扒一样，雪花好均匀。另外，老板推介竹庶茅根水，餐厅自制，味道非常清新。我地叫左花甲肉蟹锅，肉蟹原只上，真材实料。肉蟹够结实，啖啖蟹肉，容易食。另外花甲都几大只。另外叫左杂菜拼盆、广岛蚝、芋丝、墨鱼滑拼虾滑。杂菜拼盆有皇帝菜、唐生菜、油麦菜、萝卜、粟米同番茄，种类同份量都多。墨鱼滑同虾滑可以双拼，两种滑都真材实料，有粒粒墨鱼肉、虾滑系每啖都食到原只虾，同时都非常弹牙，第一次食到咁足料👍🏻。炸鱼皮够薄同脆，鲜炸既，味道适中。食完一餐非常饱，而且只叫左一壶竹庶茅根水就足够，唔会口喝，证明无味精，食得舒服。