影片
更多
2009-12-23
23 浏览
今晚跟已有七、八年无见既大学宿友食饭，相约到友人开设的石涧日本料理食饭聚旧，石涧座落于宝勒巷中段地牢，唔太起眼，系街头已经放左个易拉架，指示食客位置！因为订左位，reception带位，行一条楼梯落去，彷佛柳暗花明又一村，环境暗暗地，都有少少高贵格局既感觉，一边为卡位，坐到六个人左右，另一边为四方枱同Bar枱，环境唔错，舒服！七点未够，人唔算太多，但到七点几开始，就开始人多同满座，大家去食都最好订枱，费事扑个空！一坐低就拎order纸睇下有咩食，其实都几齐，而家做紧放题，晚餐都只系$178，由刺身、寿司、串烧、冷盘如沙律同前菜、热盘如牛油菇、饺子、乌冬等等，都一应俱全！首先都叫下刺身同寿司食，因为唔知黎既份量有几多，询问侍应姐姐，佢好好呀，叫我地想食既划"1"就可以，佢帮我地SET返我地既份量，好体贴，咁唔怕叫得太多！刺身都好新鲜，细细件容易食，寿司饭都好味，唔会太松散，又唔会饭大过鱼生 ^^其次必食必叫既系串烧，粟米、鸡皮、鸡软骨、肾等等，应该系即叫即煮，拎到黎仲系热哄哄架，腌得好入味，炸得亦够火喉，又唔会炸得好油腻，好好味！而鸡翼都系必叫，炸得好脆口，正！之后再order其他冷盘热
因为订左位，reception带位，行一条楼梯落去，彷佛柳暗花明又一村，环境暗暗地，都有少少高贵格局既感觉，一边为卡位，坐到六个人左右，另一边为四方枱同Bar枱，环境唔错，舒服！七点未够，人唔算太多，但到七点几开始，就开始人多同满座，大家去食都最好订枱，费事扑个空！
一坐低就拎order纸睇下有咩食，其实都几齐，而家做紧放题，晚餐都只系$178，由刺身、寿司、串烧、冷盘如沙律同前菜、热盘如牛油菇、饺子、乌冬等等，都一应俱全！
首先都叫下刺身同寿司食，因为唔知黎既份量有几多，询问侍应姐姐，佢好好呀，叫我地想食既划"1"就可以，佢帮我地SET返我地既份量，好体贴，咁唔怕叫得太多！刺身都好新鲜，细细件容易食，寿司饭都好味，唔会太松散，又唔会饭大过鱼生 ^^
其次必食必叫既系串烧，粟米、鸡皮、鸡软骨、肾等等，应该系即叫即煮，拎到黎仲系热哄哄架，腌得好入味，炸得亦够火喉，又唔会炸得好油腻，好好味！而鸡翼都系必叫，炸得好脆口，正！
之后再order其他冷盘热盘，好似蟹子沙律，豆腐沙律，薄切牛肉，三文鱼头，茄子，螺肉，八爪鱼等等，都系有水准之作。因为太饱既缘故，乌冬，锅物，厚烧牛肉粒等等都未有机会品尝，下次要再去食过先得！倾计倾得高兴既缘故，仲叫埋热SAKE饮添 ^^
值得一赞的是，侍应们态度良好，除主动指示我地ORDER份量外，倒水执枱既频率都好高，好有礼貎！
咁既价钱，有咁既食物质素，环境，服务，真系好扺呀 ^^ 值得大力推介！
今晚同几位宿友倾计倾得好开心，狂食狂笑，由七点食到十一点先走，呵！
张贴
