悅知味中泰越風味融合菜

营业中

休息中

是日靓汤-印度椰子螺头煲鸡汤 $38呢排唔够训，皮肤差咗好多，叫个是日靓汤补补佢，椰子系女性滋补佳品，螺头煲鸡可益气养血、美容养颜，都几足料，饮完个人即刻回一回气。盐焗香茅乌头 $198新鲜黄油乌头，鱼肚塞入香茅、南姜和柠檬叶等各种香料，外层涂上厚厚的粗盐，放入焗炉焗，焗嘅时间啱啱好，鱼肉滑溜，每一口淡淡嘅香茅味，乌头鱼嘅香味十分之配，加埋秘制泰式酸辣汁，酸酸味味开胃又健康，送白饭更加一直。越南鲜虾芒果米卷 $68越南米纸卷里面包裹住，多汁香甜既芒果、肉质新鲜爽口既大鲜虾，仲有各种爽口蔬菜沙拉生菜丝、萝卜丝、青瓜丝，岩晒炎炎夏日消暑食吓，加埋少少酸甜酱，味道更加吸引，令人食唔停口。芒果糯米饭（每位）$33用上新鲜香甜芒同埋浓醇既椰奶，淋上微暖而且口感软糯绵密既糯米上面，甜甜咸咸，作为甜品结尾冇得顶。