Kim's Spoon (南豐中心) (已結業)

环境舒适价钱亲民正宗韩国菜Kim's Spoon 今日同妹妹一齐出嚟买靓衫准备下个月去朋友婚宴..行完一轮梗系要去揾地方以下个肚仔啦..天气咁热真系冇乜胃口食嘢.所以谂住食韩国泡菜成一整个胃经过见到南丰中心呢度有间韩国菜餐厅所以就入嚟坐低试下啦我哋完全唔使等位直接已经可以入去坐.我叫咗个韩式泡菜牛肉饭.姐姐就叫咗个韩式牛肉炒粉丝 韩式泡菜牛肉饭 真系估佢唔到旧饭咁大碟 ,大大个饭再配埋紫菜牛肉泡菜 萝卜丝同埋生菜丝.个牛肉有少少微辣非常惹味即刻个人醒神晒.佢啲饭面头有啲紫菜.捞埋啲饭一齐食真系劲惹味.韩式炒牛肉炒粉丝 佢个炒粉丝份量都非常之大牛肉一大堆根本就食唔晒.粉丝非常干身爽口完全唔会话炒到林啤啤𠮶种感觉.餐厅环境非常舒适.佢哋亦都有bb櫈同埋有小朋友餐具就算同小朋友一齐嚟食都好方便唔会怕麻烦总括:餐厅环境舒适.地方宽阔.上菜速度非常快.唔使五分钟已经嚟齐晒所有食物同饮品.员工服务态度良好会主动帮我哋拎餐具同埋加水.就算我囡囡倒泻咗水佢哋都即时过嚟帮我哋清洁.仲关心有冇整亲我囡囡.服务非常贴心.食物非常之高品质.真系有正宗韩国菜嘅味道.我一定会再来的