Dabyida Restaurant and Bar (已結業)

今日同同事行远少少系棉登径觅食，行行吓见到呢间环境几好，就试吓啦！佢系半自助餐形式，有一个Area可以拎salad同头盘。沙律菜新鲜，小酥饼好精致。南瓜汤加左忌廉好滑身同足料。我主菜拣咗纽西兰肉眼扒，Order左五成熟，完全冇overcook，仲有唔同蔬菜做配菜，健康又好味。酱汁系用咗烧汁，同肉眼扒好match。伴碟好精致，睇得出厨师嘅细心。一上菜就已经加晒分啦！同事叫咗黑松露大虾risottos，大虾非常弹牙，意大利饭口感丰富，份量啱啱好。午餐选择又多一个啦！