La Vista

位于酒吧附近嘅呢一间墨西哥餐厅，环境都几有格调。侍应都系外国人嚟嘅，我哋叫咗一个肉眼扒一个蒜香辣椒炒大虾配香草饭同埋一渣Cocktail，最后叫咗一个西班牙油条做甜品。前菜佢有两条粟米，都几甜，之后𠮶个肉眼扒就叫咗medium，肉质都见到粉红色，厨师控制火候方面都OK。另外肉眼扒有三种酱料俾我哋去点嚟食，牛油果酱最出色，而且好夹味。最令我眼前一亮就系呢个蒜香辣椒炒大虾配香草饭，大虾加上佢啲辣椒非常惹味而且佢啲虾全部剥晒壳完全唔使自己去剥同埋大大只。有成五只虾咁多。我觉得非常之惹味。最后个西班牙甜品亦都有两种酱料俾我哋点第一种系朱古力另一种就系焦糖，朱古力味同呢个西班牙油条非常之match, 但系焦糖我就觉得唔够朱古力味咁夹。值得一提嘅就系个环境，唔会有好嘈杂嘅音乐同埋人声，可以倾吓偈，唔使用太大嘅声线都听得好清楚。同埋店员嘅服务都非常好，成日都面带笑容。