薄荷葉泰國菜

营业中

休息中

家庭聚会太多人，被安排咗坐入房，环境好阔落，啲凳坐得好舒服，唯一缺点就系叫侍应个时比较麻烦。食物整体嘅水准都好高，每一样嘢食都系即叫即整。小食方面，炸虾饼爽口弹牙，脆得黎唔会太油，生菜包嘅肉碎夹埋啲香料味好惹味，咸得来又够酸，加埋好新鲜嘅生菜一齐食，绝对系开胃之选。最令我惊喜嘅系冬阴功汤，无论系酸度定系辣到方面，呢一煲冬阴功汤都比香港一般嘅泰国餐厅更加重手，同时啲海鲜嘅鲜甜味都溶入晒系个汤入面，成煲都系精粹。好特别嘅系烧鸡，成只烧鸡竖系碟上面，再加埋火焰表演，呢种上菜嘅形式都几特别几深刻，但系味道就正常发挥。