新泰東南亞餐廳 (太子集團中心) (已結業)

就到月底岀粮，同事话不如岀去食餐好嘅，大家都ok就约咗其中一日放工去食泰国嘢。前菜嗌咗两款菜式，首先系「越南烤蔗虾」同「泰式街边猪肉串」，明明系泰国餐厅，点解会有越南菜式？我都唔知，我净系知个蔗虾好食，入口啖啖虾肉，再加埋啲辣酱仲正。串烧半肥瘦啱啱好，点埋个秘制酱汁另到佢更加好味。我哋每次食泰国嘢都一定会叫个炒花蛤，见餐牌有「泰式炒花蛤」谂都冇谂就嗌咗，另外好似冇菜食差咁啲所以嗌咗个「飞天通菜」。花蛤炒得好香口，对我嚟讲都几辣。咁食泰国嘢点可以唔嗌咖哩同冬荫公，所以点咗个「泰式青咖哩猪肉」同个细嘅「冬荫公汤」。咖哩我哋冇叫到饭，反而系叫个蒜蓉包，一样咁夹，冬荫公好鲜甜但系对我嚟讲好辣。重点介绍最后两款主菜，分别系「泰式明炉鱼」同埋「泰式虾炒金边粉」。金边粉卖相好吸引，而且好足料，有几只大虾仲要虾肉爽口弹牙。乌头鱼肉好鲜甜，熟得啱啱好，味道酸酸甜甜好开胃。最后要埋个甜品「芒果糯米饭」，糯米有两种，芒果清甜，加埋啲椰浆食饱好满足。另外因为我唔系好食得辣，叫咗杯芒果沙冰解辣。整体而言，新泰可以话系尖沙咀top3泰国餐厅，反正冇得岀境去泰国，就嚟新泰止下痕先。