Mo Mo Kushiage (已結業)

今日去咗尖沙咀同朋友食晚餐，拣咗呢间串炸专门店，舖头入面环境舒适，有居酒屋嘅感觉，适合同朋友食住倾计。先嚟嘅前菜，可以点两款味增酱，有辣有唔辣，仲有佢哋自制嘅红酒醋汁。然后叫咗一个薯仔沙律 ，本身期望唔系太高，但系见到佢造型好有心思，一食更加不得了，有烟肉、蛋碎、青瓜等等混合咗喺薯蓉入面，食落去既清新又有口感，非常适合呢排咁热嘅天气。再来就叫咗个烧鳕鱼干，炸到非常之香脆，闻落去仲有浓浓嘅鳕鱼香味。除咗menu上面有嘅菜式，舖头仲有好多期间限定嘅嘢食，我哋就一次过叫咗矶煮鲍鱼 、港岛炸豆腐、炸豚足、日本门鳝同埋鸭胸金时草卷。矶煮鲍鱼非常高质，鲍鱼煮到软淋淋，容易入口，而且啲酱汁入晒味，食落去啖啖甘甜。然后系，港岛炸豆腐，点解系香港岛嘅港岛？原来系臭豆腐，非常之入味香口。跟住嚟嘅系日本蚝同埋日本门鳝，两样都系海鲜但有截然不同嘅感觉 ，日本蚝非常juicy ，食落有鲜味。日本门鳝就啖啖肉，肉身比较结实，而且唔干，保持到水分。炸豚足好有惊喜，因为未试过咁样嘅食法。平日德国猪手就食得多，感觉都相似，一样有咸香味，但系比德国猪手更加脆，而且食落一啲都唔油腻。鸭胸金时草卷嘅鸭味好突出，非常之香。朋友