圍威喂 (荃灣廣場) (已結業)

喺荃湾广场经过呢间新派泰菜，见装修咁trendy ，座位又舒适决定入去试吓。餐牌有传统泰菜同西泰fusion菜可以选择，我哋就拣咗以下菜式：银鱼仔腊肠金柚沙律 $88 柚子嘅份量非常多，第一次同埋腊肠同银鱼一齐食出奇地夹，配埋泰式汁酸辣咸香醒胃，绝对系一道开胃嘅头盘。沙嗲牛柳串$48 2串 牛柳烧得刚好唔鞋口，软腍多汁，配埋沙嗲汁一齐食，食完一串唔够喉。黄咖喱蟹肉拼蒜蓉包 $188 泰式咖喱入面最钟意系落蛋炒嘅黄咖喱，香浓滑溜有层次，蟹肉已经去晒壳，食落啖啖蟹肉，我地点晒四块蒜蓉包都唔够，另外再加咗碗白饭扫埋啲汁。是谂但泰式珍珠奶茶 $28 泰式奶茶通常偏甜，呢度调校得刚好，甜度适中亦保留到茶香，加配埋珍珠仲有多一重口感。值得一赞系呢度上菜嘅速度非常快，而且侍应服务亦都好好。见到隔离份是拉差酱烧猪肋骨伴黑松露薯条大大份好吸引，下次约多啲人一齐嚟试吓其他菜式先。