香辣車仔麵

营业中

休息中

今日嚟到呢间非常之出名嘅车仔面舖，真系一间非常之地道嘅车仔面店。远睇都非常之亮眼，就喺条食街入面，第一间就系啦之前已经听好多朋友介绍呢一间，今次有心机特登过嚟揾，发现原来都唔系咁难揾。入到黎环境虽然唔系好大，但系其实都坐得好舒服，系正宗香港特色嘅店舖，好有人情味嘅感觉，墙壁上面亦都有好多唔同嘅专访，亦都可以俾你了解到呢度有啲咩特色。我自己首先就叫咗无骨凤爪，呢个系我最钟意嘅小食，辣辣酸酸咁样好开胃。腩肉猪大肠卤水鸡翼萝卜生菜亦都系必备嘅，要睇吓间车仔面做得好唔好食我自己最钟意就系睇猪大肠，因为猪大肠如果要做得好食其实唔系咁容易，口感同埋味道都非常之重要，呢一间真系做到非常之入味。