銀座蔵人 (已結業)

同屋企人做节食饭，要拣一间价钱中价，坐得舒服，又唔可以限时嘅餐厅真系好难，唯一我只谂到系呢间，其实我地都黎咗好多年，佢水准都keep到，而且价钱都冇乜点加过。一黎到都系刺身拼盘，刺身系好新鲜，今次最值得一提，系佢个甜虾，真系好甜好滑，平时我唔太钟意食甜虾刺身，好多都雪到冇味，不过佢今次真系好鲜甜。其次系我至爱嘅鸭舌，不过今次唔够肥美，而且叫第二次时已经有好多烧到㶶晒，其实都几浪费。另外，有牛肉粒，烧得刚刚好，入面仲有少少红红地，好juicy, 最后要赞个烧牛舌，唔系串烧𠮶只，好香牛味，唔会太咸，味道刚刚好。