蠔站 (黃金廣場) (已結業)

今日黎到哩间位于铜锣湾既生蚝餐厅。餐厅环境阔落舒适，灯光较为昏暗浪漫。餐厅最吸引既地方就系$10一只生蚝，真系超抵食！餐牌上意粉、意大利饭同pizza既选择都唔少。🍝冬阴功海鲜扁意粉 $158哩个意粉真系不得了，好有惊喜❗️酱汁有浓浓既冬阴功味，而且非常creamy，微辣，意粉质感烟韧，超级挂汁，入面仲有青椒丝同洋葱丝，能够增添口感，配上不少鱿鱼、两只海虾同三粒青口，新鲜好食，好食推介👍🏻🍕五十五十 $198哩款啱晒有选择困难症既人，可以系E1至E7既味道之间自选双重口味，而我就拣左蚝站至尊同华丽皇室。蚝站至尊配料有海虾、元贝、三文鱼籽、黑鱼籽、西班牙火腿；华丽皇室配料有鸡肉、橄榄、蕃茄，两款面层都洒上香草及唔同既芝士，Pizza系薄既饼底，最边边既位置比较香脆。🦪生蚝 $10(1只)今日既生蚝系爱尔兰入口，$10黎讲质素真系相当唔错，入口新鲜，有微咸既海水味，有几只仲要几厚肉，抵食推介👍🏻整体黎讲，餐厅环境舒适，食物质素亦相当唔错，黎开铜锣湾可以试下。