新泰東南亞餐廳 (已結業)

今日返湾仔旧公司揾旧同事拎嘢，顺便聚下旧，旧同事好喜欢食泰国菜，佢话不如去新泰食！因个环境好舒服！平时去开食泰菜，都会叫柚子大虾沙律，但今晚转咗食泰国青芒果沙律，好清新，爽口，小小酸，小小辣，极醒胃！泰式炒椰菜仔，椰菜苗好清甜丶厨师还将椰菜苗一开二或三，细细啖，容易食！叻沙虾米缐，椰汁味香浓，虾又大只新鲜，芽菜又多，啱我口味，正！泰式青咖喱鸡肉配印度酥饼，系天作之合！青咖喱鸡肉滑身，有好多件鸡件！印度酥饼够脆口，配上青咖喱汁食，好味道到冇朋友呀！就算印度酥饼不配青咖喱汁食，单食都好好味！好脆口，十个正！配白饭亦都系绝配！餐厅内的服务人员个个都是泰国人，入到去有置身系泰国嘅感觉！真心要介绍比其他老友，咁下次要约多啲朋友一齐食，可以食多啲不同小菜