琉金穗月

营业中

休息中

前几日系尼间cafe食lunch，入到黎服务员照顾周到，俾我选择自己想坐嘅位置，位置我大致上都分左三个位，一个位系比较安静，适合自己做下功课温下书听下歌嘅地方，而第二个位系厨房对出嘅座位，适合啲想听歌又唔想塞住耳仔自己听歌嘅朋友仔，而第三个座位就系室外嘅位置，可以望下周围环境，彷佛置身于乡郊，虽然睇唔到咩靓嘅风景，但系cafe系近住宅区，相对上系安静无咁污染，所以坐出面同样地可以吸收一下大自然嘅空气。不能不说服务员嘅代客态度非常好👍，入到黎都会同返每位客人讲返纸袋系用黎装口罩嘅，虽然大部分人都知道纸袋嘅用途，但系有服务员咁尽责咁同返每一位客人讲其实唔系咁容易做到，最紧要系每日都讲N咁多次，但系佢地都无表现出一种毫无可奈何嘅样子，同埋会同每一位客人讲返边啲食物加多左啲咩材料，等到客人都可以清楚理解。而食物同饮品方面都系好饮好食无得弹，所以我会keep住帮衬以及介绍俾多啲朋友知道。