和歌山 (樂富廣場A區)

营业中

休息中

原来乐富广场都有几多嘢食,左㨂右㨂最后食日本嘢，呢度环境阔落，坐得几舒服。✨和歌山水果茶王：一向都好钟意水果茶,呢个大大杯好足料，有士多啤梨，西柚，青柠，梨肉，热情果。味道偏向系西柚橙既味，钟意佢唔会太甜。✨叉烧豚鸡汤拉面：个汤底几浓郁好味, 叉烧虽然比较瘦，但系个肉好软腍，如果可以有埋木耳同京葱𠮶啲就更加好。✨自家制牡蛎饺子：好少食到日本蚝做既饺子，味道都几特别，而且外皮够薄，饀料又多。✨软壳蟹天妇罗：呢个最钟意, 软壳蟹好难唔好食，炸得好香口仲保留肉汁。✨烧喜之次御膳：卖相好丰富,呢个鱼都系第一次食,食落好咸香外皮又好脆，配埋柠檬汁同埋柚子醋几清新。佢啲前菜款式都几多，有温泉蛋，汁煮既萝白，牛肉，芋丝,莲藕，蒟蒻全部都好入味。另外有一款系鳗鱼青瓜片，酸酸地好清新又开胃。面豉汤入边仲有蚬肉，同埋饮落都有淡淡的蚬味。✨凉拌纹甲墨鱼：面头啲洋葱同埋青瓜丝好入味醒胃，墨鱼有𡁻口。