李公館

营业中

休息中

一大班同事去饮茶，今次试新茶楼，餐厅装修华丽，颇有特色。每次饮茶必点虾饺同烧卖，虾饺有惊喜，虾饺皮碧绿色，颜色令人增加食欲，虾肉非常爽口，而且好大只；另外烧卖都好特别，有件少少既鲍螺片系上面，提升鲜味，烧卖都好大只。肠粉亦都好高质，一次试晒两种肠粉，分别系樱花虾蜜汁叉烧肠同埋粒粒灵芝菇牛肉肠，肠粉皮好薄，望落去晶凝通透，樱花虾既香味结合埋叉烧，提升味道，另外牛肉肠加左灵芝菇，香味十足。小菜要咗石锅胡椒鸡，辣度唔算太辣，鸡要等一阵先食，等鸡肉完全熟透，肉质嫩滑。饭拣咗石锅鲍鱼鸡粒炒饭，鲍鱼汁份量好多，完全覆盖晒饭，每一啖都食到鲜味。