鮪世市場 (鴻威大廈) (已結業)

虽然放题可以尽情食到饱，但系想要食高质素嘅刺身同寿司，都系拣返专门店好啲。呢间餐厅座位不多，地方细细但胜在唔会好嘈，可以静静地叹美食。先来一个鲔世刺身盛，有三文鱼、深鱼池鱼、特大赤海虾、油甘鱼、鲔鱼腩及帆立贝共六款新鲜刺身，件件都切得几厚身，最好食当然系鲔鱼腩，肉质鲜美甘甜口感柔软，这个set还会附送茶碗蒸、面豉汤及沙律。至于单点的寿司有平有贵，厚切火灸鹅肝一定要食，入口时油脂满布口腔，劲香浓滋味；自家烧玉子几厚身亦整得好实唔松散。特选本鲔寿司盛有齐本鲔赤身、中本鲔鱼腩、大本鲔鱼腩，全部筋同脂肪比例啱啱好，好鲜味。其他马刀贝、三文鱼、剑鱼腩、汁烧鱼鳗等寿司都算大大件好足料。另外亦点了支豆及北海道海盐炸甜虾，甜虾成身炸得好松脆，头尾壳都食埋，送酒一流。