王家沙．花樣年華 (金朝陽中心) (已結業)

今日同朋友庆祝生日，朋友钟情于中菜，所以拣左黎位于灯笼街嘅王家沙，餐厅好阔落，装修设计好时尚，好舒服，适合一班朋友众会！我地叫左都几多野食，好彩佢份量唔多(除左个饭)，大部分食物都有水准，小菜叫左醉鸡，熏鸭，糖醋鱼，xo酱萝卜糕，赛螃蟹，小笼包同素菜饺。小菜我最钟意食醉鸡，上菜嘅时候觉得佢细得过份，其实原来都唔少，酒味刚刚好，鸡亦好滑！而糖醋鱼有惊喜，我平时唔食鱼都试左一旧，个汁真系好好味！小笼包皮薄馅靓，好多汤汁，正！而主食就叫左担担面同炒饭。因为庆生特别叫左寿包，但同时又想食流心奶黄包，所以两样都叫左，奶黄包好味超流心，食𠮶时真系小心辣嘴！特别推荐醉鸡、糖醋鱼、小笼包、担担面、炒饭同奶黄包！