kikusan (已結業)

黎到屯门见到周围都排队，唔想排所以试吓呢间日式x沪式x川式 fusion 菜。环境舒适，空间感足够。午餐选择都算多，用手机扫 QR code落单。我叫咗千层猪扒担担面 $108，千层猪扒其实系一片片猪五花肉叠埋一齐炸，几特别但唔系特别好味 担担面偏向川式，比较辣，唔够花生酱味，整体上OK。老公要咗水煮鱼拉面 $118，鱼肉好嫩滑，味道都不错。午市套餐包饮品、点心或者凉拌小菜。我哋都叫咗点心，有猪肉小笼包 + 菠菜皮虾饺，小笼包普通，乐天皇朝好食好多，而虾饺就几好味，有惊喜。照计呢个系前菜，但唔知点解一落单大概两分钟个主食就到咗，点心就等咗十分钟。饮品要咗热柚子柠檬蜜，正正常常。试过一次就算，应该唔会特登返转头，如果同我哋一样懒得走去隔离排队，都不妨一试。