樂天皇朝 (利舞臺廣場) (已搬遷) 新店位置

庆祝母亲节，带妈咪去食佢最钟意嘅上海菜，见到七彩颜色小笼包就吸引左去试下。有分店内店外，入面就较为暗，卡位会有个屏风分隔，好宽落唔迫，中间仲会有个小池，成个环境几有气氛又古香古式。星期五可能太多人，待应忙到走黎走去，好难叫到佢地，但上菜速度极快。食物就不过不失，款式都好多，可惜岩我家嘅唔多，必食嘅食物都可以有更好嘅选择。今次五人食，叫左八样，用汇丰信用卡，每人大约$180。皇朝小笼包整体每款味道都好浓好香，汤都有好多，但个皮就相对厚身。正宗重庆水煮鱼小辣已经好辣，个种辣系一放入口就辣，而唔系慢慢咬几咬先渗出黎。鱼肉好嫩好滑，可惜个分量唔多，一大锅得十一二块左右，下面有豆芽同薯粉，薯粉吸哂味，辣得过瘾。成都口水鸡鸡肉滑口，酱汁较杰身，面会有花生碎，而辣味比水煮鱼嘅小辣更辣。上海生煎包个底煎得唔够脆，变左同食普通蒸包一样，汤汁都唔多，个旧肉系几大。风味沙拉排骨沙拉酱偏甜，而排骨整得好松化，分量都唔少又大块，好食。菜肉云吞汤拉面拉面幼身，煮得够弹牙，吸收哂个汤味，汤猪骨味浓而又唔咸，云吞大粒，肉多菜少。开阳葱油拌面食第一碗时食觉得唔够香，但面质口感好好，无痴埋一团，又唔会太油，配个汤清清地。