& green (已結業)

终于又到了周末，有时间可以到外面享受下人生。今次揾到呢间 Cafe 对我而言都算几隐世，虽然位于红磡黄埔附近，但邻近唔算系行人经常会经过嘅地方，当然除左住系呢度嘅居民同埋理大宿生啦~环境：呢度地方算大，而且装修有啲格调，几时尚。枱嘅摆法亦几新鲜，唔会比到人一般沉闷嘅感觉。试想像，如果系度叫杯咖啡，睇下书，相信呢个下午一定会系一个好嘅下午！食物：老老豆豆，选择唔系十分多同吸引，当日就叫左一个 All Day Breakfast 同埋一份 Pancake 同两杯饮品，就系咁多。整体食物质素一般，咖啡同样，不过胜在份量够多，足够比你返成个下昼！All Day Breakfast ：普通 All Day Breakfast ，冇乜特别之处。本身应该系跟牛角包，不过卖哂只可以转牛油多士。Chocolate Banana Pancake ：呢个真心一般，唔建议大家叫。我哋叫左五分钟都冇就同 All Day Breakfast 一齐上，就知中伏，点知食落真系果啲系超级市场买嘅即食 Pancake ，食落太厚身，完全唔够松化，但系重点系呢个竟然卖紧七十几蚊，真心唔抵。