紅蔥頭 (已結業)

今日收工既时候落大雨，咁就唯有去朗豪坊避雨同朋友行下行下，就去到一间颇有情调既西餐厅一睇，价钱又唔系贵㖞于是就同朋友入去试下！入到去，餐厅都差不多坐无虚席我地被安排去坐一张卡位张梳化好阔落，坐得好舒服隔离有个area有个蜡烛仔系枱面，非常有情调，适合和情侣二人世界！我地一行三人叫左四样野食第一样系前菜，叫做铁板上的蜗牛（法式香草牛油焗田螺），卖相很精致，薯蓉好细滑，配合埋田螺一齐食，好夹！好好味！主菜我地叫左忌廉汁黑松露烟三文鱼天使面、芝士焗蜜桃汁去骨鸡腿饭，同埋铁板度西冷拼鸡扒。先讲铁板，份量好够，味道都好唔错焗饭既蜜桃汁比较特别，系出面唔容易试到，成个焗饭好juice，唔会有干既感觉天使面既黑松露味好出，岩晒中意黑松露味既我，加埋一块大大块既三文鱼，正！总结黎讲，呢间餐厅既环境同食物质素都偏高，价钱就定系一个亲民既位置，唔错，绝对值得再黎！题外话，见到隔离枱叫左一份ribs，好大份，下次一定会试！