KC Cafe (已結業)

今日要黎观塘做野, 系黎之前, 其实已经search 定想食咩, 但系好多search 到合心水的餐厅, 又已经执左。好在你不用愁烦。因为一出观塘地铁站, 已经有好多姨姨派传单比你, 见到咩arm 心水, 上去坐就得, 最多下次唔黎。KC CAFE 都系我其中一间因为gam 样而上黎的餐厅, 其实一见地址系27楼的餐厅, 就知佢只系做到小食 (因牌照关系)而上到黎, 位处27楼景观无疑是十分一流, 望邮轮码头, 让人心旷神怡, 但另一边其实都几惊吓, 因为个''office''另一边系卖名不经传的化妆品, 直觉似系做传销果类,而台面亦都写住「只限会员」。然而细路见到周围都系公仔陪食, 在此后离开必招大祸。既然伏已中, 还是比比面叫小小野食。不过其实都唔便宜, 韩式饭团配小吃配饮品要四十多元差不多五十元,话佢贵的原因是因为这些小食功夫不多, 至于味道, 普通吧。相比起以差不多的价钱去坤记食竹升面, 这些饭团鸡翼就显得无功夫要做了,而且那蜜桃茶和柠檬茶也是开粉 (立顿)的, 所以其实我觉得这小小挺贵的。