影片
更多
2022-07-10
49 浏览
呢间餐厅嘅前身系一间印度菜餐厅，半年前食过一次， 惊为天人，当时见到餐厅客人寥寥无几，已经好担心会做唔住， 但之前因为疫情严重冇办法再次帮衬，终于等到疫情缓和可以encore，却发现佢好可惜地已经不敌疫情改名易手， 而家除左印度菜， 更加主打既系巴基斯坦菜，反正未试过，一于黎试下。前菜 Appetizer 叫左Dahi Golgappe ($68)， 系一道正宗嘅印度街头小食，系唯一一样上一次食过好食而今次易手后仲食得番既食物。佢其实系系一个个细细个嘅油炸球，填上马铃薯泥、洋葱、番茄、豆类等等食材，再加上一啲酸酸甜甜既酱汁同香料，酱汁有啲似酸奶， 食落酸酸甜甜， 口感丰富， 非常非常之开胃， 令人食完一个又一个，停不下来。Barbecue类我地叫左Chicken Malai tikka (10 pieces) $160。 由于佢嘅menu 冇中文冇英文冇图， 所以我哋其实都唔知系咩黎，只可以叫佢介绍，佢就介绍左呢款。一上菜时我地都不抱期望， 仲有啲肉赤呢道菜价钱最贵，但一食落口，简直充满惊喜，唔好睇佢其貌不扬，睇落好干好柴，一咬落口，juicy到你唔信，真系好嫩滑好嫩滑， 而且每一啖都
前菜 Appetizer 叫左Dahi Golgappe ($68)， 系一道正宗嘅印度街头小食，系唯一一样上一次食过好食而今次易手后仲食得番既食物。佢其实系系一个个细细个嘅油炸球，填上马铃薯泥、洋葱、番茄、豆类等等食材，再加上一啲酸酸甜甜既酱汁同香料，酱汁有啲似酸奶， 食落酸酸甜甜， 口感丰富， 非常非常之开胃， 令人食完一个又一个，停不下来。
Barbecue类我地叫左Chicken Malai tikka (10 pieces) $160。 由于佢嘅menu 冇中文冇英文冇图， 所以我哋其实都唔知系咩黎，只可以叫佢介绍，佢就介绍左呢款。一上菜时我地都不抱期望， 仲有啲肉赤呢道菜价钱最贵，但一食落口，简直充满惊喜，唔好睇佢其貌不扬，睇落好干好柴，一咬落口，juicy到你唔信，真系好嫩滑好嫩滑， 而且每一啖都系肉 ，外皮焦焦脆脆，碳香味好浓，仲食到啲类似忌廉既味道，好香滑，好可口。重点系， 即时食到后面，已经放凉左，但仍然觉得好好食。 佢配有柠檬同洋葱帮助解腻，但佢好食到我唔觉得腻
另一道主食叫左Chicken Makhni (half) $128。 佢系巴基斯坦版既咖哩鸡，但就同印度菜既butter chicken唔同，佢既酱汁唔算多，亦都无咁creamy同柔滑，香料味较浓。虽然openrice对呢道菜好多好评， 但我自己就觉得还好， 我都系钟意印度菜嘅butter chicken多啲。鸡肉方面，份量都算多，亦有比鸡脾同鸡翼等部位，但唔算好嫩，亦都有骨，上面chicken malai tikka既鸡真系嫩滑好多好多。
食印巴菜点可以少得Naan，朋友好想食Cheese Naan，于是问店员有冇，佢犹豫左两秒，之后话We can make it for you，呢下真系好加分，觉得佢地好体贴。个Cheese Naan ($52) 亦都真系好好食，奶油味好香， 烟烟韧韧，即使唔配酱汁都好食，配上咖哩汁就又系另一番滋味，但芝士味唔算好浓，如果芝士多啲会更加分。
饮品方面， 当然要试下Mango Lassi ($48)， 其实就系芒果乳酪。 杯嘢饮好大杯， 个杯好重手， 芒果味非常浓郁，酸酸甜甜，由于呢餐食左太多肉，又有Naan，呢杯Lassi实在锦上添花，太解腻了。
PS1 正如上面所讲， 呢间餐厅嘅餐牌， 真系又冇中文冇英文又冇图片，所以其实好输蚀，亦好难吸引新客人，好希望有人帮佢地翻译个餐牌，令到更多人知道同帮衬。但现阶段大家可以睇下openrice既食评推介，或者去到叫店员推介，佢地推介既都好食
PS2 我哋一坐低，店员就比左枝樽装水我地，我地仲担心樽水系咪要收钱，因为餐牌上有，但最后我地因为太渴都系饮左，而最终樽水都系免费的，可能因为疫情原因，佢地先由斟水改为樽装水
张贴
