朗廚坊 (已結業)

今晚特意来这间食德国猪手，猪手好大只，外皮好脆，切开见到有肉汁，仲有好香的肉味，肉质唔鞋，配蜜糖芥苿酱同食真系好正。伴碟有烧蕃茄及新薯，烧过的蕃茄系特别好食！另外我点左海鲜意大利饭，饭粒沾满好浓的芝士忌亷，好香，𩠌就有带子丶青囗丶虾，好足料。绿豆汤值得一赞，出面唔系好多餐厅整这款汤，而这店做得好好味，够浓！另外要赞就系d面包，好软好味，特别是香草包，配橄榄油+黑醋，超正！这里环境舒适，如果坐近落地玻璃位置，可以望吐露港景色。