Infinity Workshop Cafe (已結業)

今日约左个好耐无见既朋友喺旺角见面，所以拣左间cafe，贪佢可以坐耐啲倾下计入到餐厅已经见倒有圣诞布置，好有空间感，所以倾计都唔惊隔离台听倒，成个环境都好舒服，仲有好整齐好干净！我地每人叫左一杯饮品，朋友拣左贝儿，即系菠萝同蜜桃沙冰，饮落菠萝味比较重，值得一赞系无过甜，同埋唔会太冰！我就要左红靴玩具兵，即系抹茶鲜奶再有红豆喺底，抹茶味好浓再加左牛奶令饮品更滑，底部既红豆都好腍！黑松露芝士带子焗大啡菇，一黎到就闻倒好香黑松露味，伴碟系芝麻酱沙律，沙律茶好新鲜，大啡菇一切开就流哂啲汁出黎，好澎湃！带子有煎过好香口，仲加左芝士令成个口感更丰富。奶油芝士千层薯，呢碟野除左薯仔，仲有芝麻酱沙律、烟肉同吞拿鱼沙律，烟肉煎得非常香脆，咬落脆卜卜，吞拿鱼沙律仲加左碎蛋，好滋味。千层薯摆成花形好靓，薯仔焗得好腍，有淡淡奶油味，我觉得呢道菜一定要食职员话下个星期就会有新menu，好期待下次再黎可以试其他新菜式